العيب في الجياد الخاسرة … أم في قانون السباق؟!

قبل البداية: موش مزية أن يكون المسؤول نظيفا.. بالعكس عليه ان يكون كذلك لأنه سيحارب الفساد و الفاسدين.. فما أدراك برئيس جمهورية: نظافته شرط أساسي من شروط انتخابه و نجاحه.. اللهم إلا في البلدان العربية حيث تعودنا على رؤساء و مسؤولين حتى أصبحت نظافة بعضهم ميزة و مزية..

مثلا: عندنا جماعة ضربة ضربتين (راهو قيس سعيّد نظيف و متعفف و موش ديكتاتور..) راني والله عن نفسي مقتنع اللي عندنا أنظف رئيس عربي.. فرفوري و وزيرتو جفّال.. عن نفسي تمنيت من زمااااان حلّ البرلمان: موش لأن النظام البرلماني سيء.. بل لأن هذه الانتخابات بالذات أفرزت لنا مجموعة فاسدة و مُفسدة.. أما راهو تنقيح الدستور و المرور من نظام حكم برلماني لنظام رئاسي هو النقطة اللي عليها اختلاف..

لأن قيس سعيّد موش باش يعيش لتونس مئات السنين.. فقد تُفرز انتخابات 2050 مثلا رئيسا أقل نظافة و تعففا من سيادته يجد كل السلطات بيده اليمنى و باب الحبس بيده اليسرى.. وقتها قد يُعيد تاريخ بورڨيبة و بن علي نفسه و يعيش أحفاد أحفادنا ديكتاتورية جديدة.. ثم بالله لنفترض أننا انتقلنا للحكم الرئاسي الرئاسوي: شكون يضمن ما يفوزش واحد نهضاوي ذات انتخابات.. و لو بعد سنين..!!

عاد أما خير يلقى برلمان و رئيس حكومة واقفين له بالمرصاد ولا يلقى روحو الله واحد ما كيفو حد..!!