سي الزاهي

غيبة وخيبة يا وخياني

من همّي و من همّ زماني 
لبلاد الخضراء تستنجد: 
هاذوما سلبوني ألواني

سلبوا الفرحة و التبسيمة 
وخلاوني في  ذاتي نعاني 
حسبت الشمس ملات الخيمة
ياخي طلع الضو برّاني

في إسمي ، الزاهي نحتار
منين الزهو .الدهر كواني
هزّوها بمقص النار
والحرق..  اختصاص رباني

شياطين الإنس هوما الغلبه
هوما  اللي دايا الدخلاني
في بالي فاهم اللعبة
لكن نرجع ، ما أغباني
 
مضروب .. موجوع .. موش مرتاح 
بين لِمْطرقة و السنداني 
راس الزاهي تمهمش راح 
و ين الهربة يا وخياني ؟

اذي حلقة طالت بينا 
في المسلسل الفنطازي 
اذا تحسب روحك زينة 
تطلع كازي مل لكوازي 

لعصافر هجرت شجرتها 
حرقت للبر الطلياني 
و الصحرا زدناها صحرا
و قلوبنا تقهرت عيناني
 
بصعوبة صرنا نتنفس 
في تونس العفيفة الحره 
ربي عالظالم .. يتهرس 
والا يتلوّح في حفرة 
 
يا زاهي ، راك ديما زاهي 
اذا بريت من هاك الدبره 
وقلّعت الساهي و الداهي 
من داخل البلاد ومن بره 

حكاية صعيبه ، موش محالة 
لو ناخذ مالدرس العبره 
و حاربنا غزو المنقالة 
لازم تستجيب القدرة 

إضاءة

يقول برنار بيفو:

لدي انطباع أن الكوفيد 19 كائن حي و قاتل و اسم علم لأن الجميع يبدأ كتابة اسمه بالحرف اللاتيني الكبير، مع إضافة رقم شفرة  مثله مثل جيمس بوند 007 .

هو معادٍ للرأسمالية، يعترض على المبادلات الدولية و علاقات الهيمنة القائمة حاليا، لذلك دمّر أكبر البورصات المالية في العالم.

هو إيكولوجي منحاز للطبيعة و يشعر بغبطة لا محدودة إزاء توقف حركة الطيران و السير على الطرقات و مبتهج لكل هذا الهواء النقي الذي نستنشقه في مدننا اليوم و له أنصار ثابتين من جهة الدّببة البيضاء و عدبد الحيوانات المهددة بالانقراض.

هو كاره للبشرية بأسرها نساء و رجالا وكاره لإدمان هؤلاء على الغناء الجماعي و التجوال الجماعي و جميع أشكال الاحتفال والتجمهر بين البشر.

هو منخرط في سلك الرهبان، لا يحب الهمس و اللمس والتقبيل والمداعبة والاحتضان وممارسة الجنس.

هو قاتل متخصص في استهداف كبار السنّ بصفة خاصة وهو أمر مُريع. لذلك أمتنع شخصيا هذه الأيام عن الحديث بشأن برنامج “أبوستروف” لأنه قديم و قد يُذكّر الكوفيد بأنني هرمتُ أنا أيضا.