الباراج و البلاي أوف … حسابات وعقابات وعلاقات !

تشاء جامعتنا الموقرة أن تبعثر أوراق النوادي الموسم اللي فات و الموسم الجاي: عمناول طلعت بطلعة متاع باراج لتعويض هلال الشابة و اليوم مازالت تفكر في باراج يسمح لإحدى الجمعيات باش تكون الفريق رقم سطّاش..

أولا بالله كيف يقع تشريك فرق ماعندها في السوق ما تذوق و ما كان عندها حتى أمل للمنافسة على هذا المركز السادس عشر..!! يا إما إسعاف البقلاوة إلي ظلمتوها و ذبحتوها و عاونتم جميع المهددين طمعا و خوفا و كركرتوا أبناء باردو من بعيد لأنهم الحلقة الأضعف مقارنة بالمهددين المحظوظين المقربين من أصحاب القرار.. أو أن يكون الباراج بين صاحبَي المركزين 13 و 14 الملعب التونسي و شبيبة القيروان..

رغم أنه من غير المنطقي أن يتنافس صاحب الـ 29 نقطة مع صاحب الـ 3 نقاط على مقعد في الرابطة الأولى.. خاصة أننا عشنا تجربة الموسم الماضي لما وقع الزج بالشبيبة في معمعة الرابطة الأولى إرضاء لابن القيروان.. و كيف أنكم ساهمتم في إذلال فريق لم يكن مستعدا للعودة للرابطة الأولى فخرج بثلاث نقاط من ست و عشرين جولة..

ثم يقع الاتفاق على تقسيم الستة عشر فريقا الى مجموعتبن.. قالوا مجموعة للزوجي و مجموعة للفردي.. هيه.. بالله كيف يكون حمام الأنف و حمام سوسة في نفس المجموعة و قد أجريا مباراة بينهما فازت فيها الهمهاما..!! منطقيا الهمهاما في الفردي (13 و تعوض البقلاوة) و حمام سوسة في الزوجي (14 و تعوض الشبيبة).. لكن جماعة الكرة حطوهم في نفس المجموعة..!!

أما عن هلال الشابة فهي زمنيا عادت للرابطة الأولى قبل إجراء الباراج.. و بالتالي كان لابد ان تكون في المركز 15 و في مجموعة الفردي التي يتصدرها الترجي.. مرة أخرى الجماعة يرمونها في الزوجي.. لكن هذي ظاهرة علاش.. ماهو باش يبعدوا هلال الشابة على اتحاد بن ڨردان..