“كيضيق بيك الدهر”..يا “يمينة”..
وتتوحشي “المسيو” وانتي حزينة..
ناديه عُقْب الشّهْر “للمَسيرة “..
يتفكّرك أكيد.. يجيك ويجينا…!!
ونرفعو “راياتنا الثورية”..!!
و نَحمو “شرعيتنا الدستورية”..!!
وتصير..” حَركية تجارية”..
و” يتحرك الدولاب “.. في ” المْدينة “..!!
..ونادي البقية يجوك بالالاف ..؟!!
والكلهم كيف كيف..لا اختلاف..!!
ماعاد عنا شيء عليه نخاف..
“نتعايشو” مع الهمّ و”الكورينا”..!!
ناديهم بالالاف ..خلي يجونا ..؟؟
والله في عشرة سنين.. “مَتّعتونا ” ..!!!
في كل شيء تقريب بَيّعتونا..
لا “بُرْط يخدم..لا مَطار.. لا ” وزينة”..!!
ناديهم خلي يعاودوا “التكبير”..؟!!
ويُرْجْموا “يوسف” في قاع البير…
نستاهلو والله.. “بئس المصير”..”
من يوم جيتوا نهار.. لعبتوا بينا ..؟!!
“كيضيق بيك الدهر”… يا “يمينة”..؟؟؟
( قفصة 2021/02/26 )