النوري وفضيلة

يا سيدي النوري انت اكدس ديما اسمع واستك فيا ، قد ما نبحت تهبطني اعماك للبلاد ناخف دماق لعرس رتيبة بنت محسونة وانت في كل مرة ادكها تحتك وما تهبطنيش واوكة العرس قرب

_ توة تلز فيا يا فضيلة نتكلم ، ما عاطاك على الخسارة وانت كل عرس تعملي مندبة ع الدبش ، موش في عرس المنجي ولدك خفيت دماق ومازال بوهرتو ، ما هو احضر بيه وشكون راه في سقيك غاطس في تراب الجنان

_ ايا نندب والا نستنى حتى يتلموا ؟ توة دماقي العزيز الغالي موش كبتلو سعدة كنينتك مرت التوفيق وهي في كل مندبة تقلي يا امي فضيلة دماقك يشره هات نمشي بيه ؛ اخر خطرة عاد مشات بيه للبحر يراها في الغرر جابتو منفخ كيف النشافة وكشختو اوكة خليتو عوف القبقاب في باب المطهرة والميحاف كيف راد عليا ربي

_ ايا باهي باهي نهار الجمعة نهبط للصلاة نهزك اعمايا خاف الي يفهرك ماني نعرفكم النساء كيف تشدوا في الحاجة ، توة نعطيك فلافة لاف وخاف معاه فولارة زادة ونقص عليا حسك تراه ، محسونة تعرس لبنتها وانا نتخف في الفلوس ،

_ ليدك في العاهد الله ورحمة بويااا عبدالله لو موش خايفة نقعد حديف وللوم لا مشيتها ، نعرفها محسونة ونعرف العياه الي تسيبو في اعراسها شخلى خوها محسن قطعها ، بعد الي قلهم ما نحبش كمونية في العشاء بعد ما فبحوا البقرة خلاوه بقودة في حيط وطيبوا الي حبوا ، اوكة حلف ما يحفرلهاش وصار فيهم رايح ودخلت فيهم غولة ومرتو تبكي وتمخط قاتلك ما يزيش خيطت فوطة وبلوزة وحنات شعرها وجابت دوجة الحرقاسة فلاتها من فوق اللوطة …

_ والله عمل بالراي محسن وربح عقلو تلقاه يتسبب هاكة خاطر طرح الديمينو في السطحة مع سيدك خليفة وسيدك علي والجماعة ينصبوا المعد كل ليلة

_ اع عليه يقطع اختو على خاطر طرح ديمينو ، قتلكشي العياه في دمهم والا هي في عرس ابنها التيلاني لابستلك روبة ندرا كيفاش والشق هاهو وينك افخافها على برة والتاس تتفيسخ عليها ، وقلها اقعد كويدسة واستقبل الناس وافرح بيهم ، لا بعد ملي قال بسم الله مولى العوادة وهي عاطيتو على راسو بالشطيح ، حتى كلمتها مجيدة قالتلها ايجا ستف الحلو سمعت وسكتت وخرجوه لا يروعك هاكة الحلو كديسة على عيشة وزيد عملتهولها اختها جابتو بكلو هيبر الي ينبت سنانو في كعبة تنبت غاد يابس كيف الصمصمية والبقلاوة ناقصة شحور تقول ناكلوا في الفليق برة ينشفلها الريق محسونة كيف خلات روحها حديف ،

_ ايا ريتشي علاش ما نحبش نمشي اعماك انا نعرفك لسانك ما يهنيكش

، ماهو مشيت على ماخفة الخاطر انت شدخلك فيهم ، وانت لاهية بلبستها وحلوها وشطيحها … اسمع نقلك يباركلك ويجعل منك العرس هافا راني حتى كان مشيت نشد تحت زلوزة بجنب موبيلاتي خير ما يرزيوني فيها ووقت تكمل ابعفلي واحد من الغشاشر يقلي ونخرجوا وجيتك بجناب الله ما طولش الكدسة نعرفك ما تخرج الا ما تمصمص الدنيا الكل وتسلم على النساء الكل

– لا نطول ولا نكمل ما حبني في خليقتها ، غير بس يجيوا دار العروس وناراهم ونخرج ، امو يحكيوا عليها ما افخمها قلك ناس هوما ويا هوما

، يعطيها بعزة شعندها زهر في الانساب هي الكلهم هكة هكة بها تقول ما حازوها كان هي يعطيها تنحية ، واحنا بوهرتنا وتجينا كان الي تعيط ايامو كيف الكناين كيف الانساب يعطيهم كراد ، اوكي سعدية مرت ابنك زرسة العقل طايرتلها وهي تحفر للعرس ما خلات ما شرات حتى من التبادل زوز لا بعد قاتلك نعرقشي في الشطيح وهاكة المغبون ولدك يدفع في الفلالس عوف يستحفظ على رويحتو ويكمل هاكة الخرخوط القبلاوي ينضفوا يستاسع فيه هو وصغارو قايم يشريلها في الدبش يعطيها عمش يمكنها شكلات على قلبي ، وكنينتك الاخرى هاكي سقيلها وحدها تقول عرس خوها والا اختها من نهار الحمام وهي غاد بايتة صابحة وجاتها العتاوة توة تطيبلهم يا للا وتصنف وتدربكلهم كل ليلة واحنا وين ما تحينا في راسي يوجعني في سكروا عليا البيت ووجها علينا كيف وجه النتش ايا نندبوا ايا نندبوا ، اع عليهم الافنين وعلى اولادك الي ما بردلي حد على قلبي فيهم ولم خليقة مرتو بكف ، خليني ساتكة وبرة حتى نهار يجيك خبري يا سيدي النوري

– ايه توة نبينا ونصليوا عليه يا فضيلة ، ياخي حد النزول انت مستافنة والا من العشاء والوصف

– لايوريك سو ناداتني في الوصف ومشيت ويا مشية الشوم ، غبروها مع اخت العروس جايتهم شنفورها على قلبها وما عاجبها حال شقلي وشقتلك بدات تشقشق الصناعة قبل ما يجيوا هوما وحبت تحني لقاتهم كملوا الحنة وحلفت بالايمان ما ترشقش وهاكي الصناعة جاية بلاش صرف انا عطيت دينار مات ع النفاس وداخلين بعفهم كيف قوم الهبج ويزي عليا وبرة ، وانا خارجة قاتلي محسونة اكدس للعشاء اما ما حلفتش عليا وليت وفهمت روحي وجيت لهوني ليلة الي طيبتلك الطبيخة وانت بايت في ليلة بكرشك وانا هاكة حد عقلي قلت نسهروا مع بعيفاتنا ، بكبان سعدي زهر الناس ما عنديش

_ ايا قوم قوم رجعنا براد تاي ويزي من عياهك قلوا نسهروا ، المارا خرفت فاهرلي

_ اهاه خرفت عاطي كان عينيك تللش في كل عرس وخرجة اما انا في وجهي كرع ، بالله ما تزيدش عليا نعرفك عاد وقت تركبني التكوك وتجبد بالراكح هات الفلافة لاف وتوة نهبط وحدي لا تربطني لا نربطك

_ والله خير ، وقلو يكابرك وقت تشري الدماق قلو انا ديما نشري كان من هون وشوف حاجة باهية وصحيحة ورخيصة …