راجل و سيد الرجال
“حديد”
ياسين الرباعي:
أنا : حضّرلي الكسوة متاعي وحددها الليلة عرس صاحبي ..
الموجيرة : أناهي كسوة ؟
اعرس صاحبك، مطلوبة أنا ..
و علاش صاحبك مستدعيك وحدك ؟، هز ولدك معاك
عرس صاحبك ولا ماشي تحوّس وتبحلق في عينيك ؟
أصلاً شكون اللي ترضى تغزرلك كان المدعية بالشر اللي كيفي ؟؟
ديما حاشيني في الدار وما تخرجنيش …
و ما تسهرش معانا و ديماا تاعب وناقص نوم ، يا التلفون في يدك يا قاعد تتفرج في التلفزة..
وعامل لتلفونك mot de passe .. علاش خايف ؟؟ ..
أنا أصلاً لازم نخلي فلوسي فوقي ،ما نقعدش رهينة عندك ..
ما نافح كان تسأل اش مطيبة شنو الفطور، و شنو العشا ..
اي وقتاش اخر مرة قلتلي نحبك ؟
انت بالحق ماكش رومانسي و ظالمني معاك وعمرك ما عملتلي حساب !!
أنا أصلاً كل مشاكلي الصحية جرّتك انتي وأولادك .. خذيتني كالوردة ما نشكي من شي ، شوف حالتي كيفاش تو ..
حسبي الله ونعم الوكيل
عمرنا ماخرجتني خرجة باهية ، ديما امرمدين ..
اصلاً انا غالطة كي نخرج معاك !!
بالحق ماعينيش نحكي ..
خليني ساكتة خير
علاش ما تجاوبش ؟؟؟ جاااوب
انا : الكسوة الكحلاء حددها وعلقها
