تدوينـ ... ـار
قلتلكم …راهو راسو ملحّم !
هاكة السيّد فرعون الكورة اليوم عاود حلقة اخرى من مسلسل التعنتير …طبعا بمباركة الاندية اللي اغلبها صبعها تحت الزرصة (مادّيا) وناسي انّو هاكة المكشّر راهو قماش اخر ..
سي توفيق ماشي كيف العادة يرجع للتاس في شكوى جديدة ضدّ التاس .. وحظوظو كبيرة لاعطاء صطاكة اخرى للوديع ..ديع ..ديع ..وزيد نجم المتلوي شكّب من غادي وماشي يلتجئ للتاس زادة .. وزيد جرجيس قالتلو امممهأه موش عدل انا نلعب زوز مقابلات والمتلوي تلعب مقابلة وحدة ..وزيد القصرين حلّت عليه باب بلاء بعد فضيحة 7 ـ 7 .. وطبعا ما ننساوس كيفاش ماشي يكون ردّ فعل وزارة الشباب والرياضة …راهي حتى هي تستنّى في عمّك وديع في الدورة ..واكبر دليل على ذلك ايقاف الجولة الاولى قبل بضع دقائق من انطلاقها يوم امس …
مجموعة من الاسئلة تُطرح ..
1 زعمة تنطلق البطولة الاسبوع المقبل ؟
2 زعمة ومحافظة على امن البلاد الوزارة تتدخّل ثانية لمنع انطلاق البطولة مجدّدا ؟ ..
3 زعمة ؟ …
4 زعمة ؟ ..
5 زعمة ؟…
ثمّ زعمة وحدة ما زعماش ..وهي زعمة يحلّ هاكة السيّد الطاسة متاع مخّو ويجي لثنيّة الحقّ ؟؟ هذي في بالي .._ لع لع لع _ ..
1 اكتوبر 2022