هوّ ده “الـ VAR” الحقيقي !

الجميع يعلم انّ موضة هذا الموسم الكروي وعاره ايضا هو الفار لأنّه كان اجمالا وبعبارات شفافة مباشرة ولا لبس فيها وطبعا في تقديري الشخصي وتقدير الكثيرين من المهابل امثالي …الفار كان وسيلة خبيثة لتقنين ما ترسمه المنظومة الكروية لعديذ النوادي وخاصة ما نسميه النوادي الكوادر الاربعة الاولى ..

اذا الفار يقرر شرعيّة ضربة جزاء ما او الغاءها والله كيف يهبط كولينا بيدو …والامر بسيط جدا يوريوه فقط الكاميرا من الزوايا اللي هوما يحبوها …وقتها شنوة باش يعمل كولينا …يمكن يغزرلهم ويقوللهم في قلبو “انتو بالحق اولاد شحيبر” (وبالطليان فيليو دي بوتانا) …لندع الكرة جانبا ونعود الى مربّعنا الاوّل …. الى تونس السياسة ..الى تونس المرجل الساخن ..هات نسلّطو عليها الفار من كلّ الزوايا …الكام رقم واحد سنسلّطها على مناهضي قيس سعيّد …هؤلاء ما فتئوا يرددون انّ قيس سعيّد رجل انقلابي على الديموقراطية وعابث بكل القوانين ليصبح الديكتاتور الجامع لكلّ السلطات …

وحدة وحدة ونشوفو الفار شنوة يقول …الفار يسأل تلك المجموعة هل كنّا نعيش في ديموقراطية حقيقية منذ جانفي 2011 ؟؟ يا جماعة اختشوا وإلاّ اللي اختشوا ماتوا ؟؟؟… تقولون عنه إنّه ديكتاتور لأنّه جمع بين كلّ السلطات …الفار يقول نعم انتم على حقّ …ولكن ومنذ دائما جانفي 2011 هل فعلا كانت السلطات موزّعة؟ …ظاهريا نعم ولكن عندما اخترقت الاحزاب كلّ الحكومات والهيئات لتفرض جماعتها في التنفيذي والقضائي والتشريعي هل هذا يعني فصل سلطات؟ ..الفار يقوللهم كفر نظيف ولا اسلام مجيّف …

لنتحوّل الان وجهة انصار قيس سعيّد ليقوم الفار بقراءة ما يحدث …انصاره يقولون هو مثال في نظافة اليد وفي صدقه …الفار يقول نعم هما شرطان هامان لرئاسة ايّة دولة ولكن هل هما كافيان لتحديد نجاح ايّ رئيس ..؟؟… الفار يقول ياما رؤساء نفس مومنة عبر التاريخ مشاو فيها … بدءا بالخليفة عثمان بن عفان …مرورا بعلي بن ابي طالب في حادثة التحكيم بينه وبين معاوية عندما اختار كممثل له “النفس المومنة” ابا موسى الاشعري الذي واجه ممثل معاوية بن ابي سفيان والذي لم يكن الا داهية العرب عمرو بن العاص …والجميع نعلم انّ علي بن ابي الطالب مشى فيها …

وماذا عن بقية الاطراف … الاتحاد ؟؟ الاحزاب ؟؟ وهنا الفار يعترف فقط بحزبين كبيرين جماهيريا حزب النهضة والحزب الدستوري الحر …البقية وبكل شفافية كعبتين وكعبة …واعيد القول كوزن جماهيري …الفار يقول ايضا ومن خلال “الكام” عدد 3 هو للامانة يقول مقهقها …عديد الاسماء وكما عهدناها في تاريخ تونس منذ الاستعمار (عهد الصبايحية) موجودة على الساحة وفي كل الازمنة .. وفي كل ّ التشكيلات سواء منها المناهضة لقيس سعيّد او المصفّقة له … تختلف الوانهم واشكالهم وحتى اسماؤهم الكبيرة اكاديميا ولكنهم يبقون صبايحية نيو لوك …هؤلاء تجدهم يوما مع النهضة و آخر مع ائتلاف الكرامة، شرذمة اخرى يوما مع قلب تونس و آخر مع كبدة تونس …

واختم بما يقوله الفار في المنظمة الاكبر تاثيرا في تونس (الاتحاد العام التونسي للشغل) سيكون للاتحاد الدور المفصلي في المرحلة المقبلة ..والفار يوضّح ايضا …نعم هنالك مشاكل داخلية في الاتحاد وهنالك تهم تًوجّه ضدّ العديد من رموزه … ولكن انّى كانت اوضاعه سيبقى عاملا مفصليّا في كلّ المعارك …

ويختم الفار بموقفه مما سيحدث مستقبلا لهذه البلاد …ينسحب الفار ويقول …انا لست منجّما لأقرأ الغد …انا احلّل الوقائع ..ولكني وعلى طريقة ايميل حبيبي ..انا متشائل …

9 جوان 2022 …