مجيدة ودوجة وتحضيرات عرس الباشا

ياسين الرباعي:

– توة ما تقليش يا دوجة نحفرشي اعماك حويجة , عرس الباشا وليدك قرب عاد وانا محسوب وخيتك والباشا كيف ابني هاكة انا ربيتو في حجري يشويه ما عادش يحب يقعد في حجري توة , ياخي بلي كبر يكبر عليا هو؟

– وانا انبر ابرة في خيط بلاش بيك يا مجيدة؟ غير بس قلنا نكملو بياف البرح وبعد نبداوا نحفروا مالا , اوكة خفينا قفيات الحلو وكسرنا الزليوزات وصمطناهم واوكم شايحين يڨرمشوا وقلت ما تحل البقلاوة كان مجيدة نعرف حلتك عاد انا ياخي ماشي تحكيلي عليها ,

– نحلهالك يا دوجة هافا النهار المبروك عرس الباشا راهو , وشماشي تعمل اعماها البقلاوة , اعمل كعيبات كعك وكعيبات زوزة

– لا وخيتي الكعك قالوا دار العروسة ماشي يعملوهم واحنا نعملوا الملبس , وانا عاد ماهو نعرف شعرية مرت خو كراية مرت الشافلي خوك وتخليطها في الكرديانة ريحتها تجيبك منين , عاد قلت نجيبها هي للملبس

– وحتى تنجم تجيك شعرية , خصتها في غبينة تحرك، ابنها بدا المرمة وهي تقالع في هاكة الخدامة من قهوة الصباح لشقان الريق للفطور وحالتها حليلة وريحتها ناتنة , اما توة نكلموها تنجمشي تجي اهو قريب يصبوا الصبة تاخفشي فهنة المغبونة

– ما تحكيليش على المرمة راني جرا فيا وقت الباشا بنى هاكة الخرخوط الفهراوي باش يعرس فيه بعد الي حكموا عليه ما يعرس الا ما يحل مرمة يعطيهم غمة ولحيمتهم مقصوصة بالڨدمة غيرشي هو حرن فيها الطفلة والا على زينها البديع نعمل مرمة ويجرا فيا , راني وخيتك طبت من التاي والماكلة والشراب وطولوا فيها الخدامة , هو الحق التيجاني السطا يشره يدو رزينة اما خديمتو مرتوبة وغير بس نبطى عليه بكاس التاي يجيني للدار ويقلي طابشي يا دوجة وشفيه باهي يعطي الخدمة للصناع ويقلهم شيعملوا ويجيني لهاكة كويس التاي ويكدس ويحكي اسم الله عليه محلا حديفو انا والله نتونس بيه وما حسيتش بها المرمة معاه

– حتى شعرية تحكي وتسكت على السطا متاعها حتى من الماكلة اعماها فرد ميدة قاتلك يخلي الخدامة ويقلها والله لا نخليك تاكل وحدك محلاه كيف الواحد يلقة سطا هكة الحق , ايه والبڨرة وقتاش الفبيحة عندكم ووقتاش العشاء ؟

– قلنا نفبحوها قيل عدت يدك ايام اوكة ايام العرس نلقاوا ما نوكّلوا الناس الي في الدار , الملخة والذيل والكرش وهاكة الزلافط , ونخليوا الهبيرات عاد للعشاء , انا والله قلت حال نكلم نجاحة وتريكية يطيبوا , عرس مزغنية قاموا بالعشاء الكل وجاء يشره هاكي الكمونية العزيزة وهاكي خبزة اللحم على خيارها وهاكة التقطيع العزيز في السلاطة , زعمة يجيوني يا مجيدة والا نقول لسيدك النوري يجيب سيدك خليفة الطباخ

– لا هوني نقلك حدك غاد , ايفا جاك خليفة لا نجاحة ولا تريكية اسمع كلامي تطيبو عزيز ويشره اوكة يشرط عليك يحب مرا برك بين يديه ويسكرلك الروا وما تفر كان بالعشاء طايب , في عرس المنجي جبناه يا للا قتلو انا بين يديك يا سي خليفة قلي انت دارك مقصودة ويجيكشي حد خليلي عبيشة وبرة على رويحتك , ودخلت اعماه عبيشة بنتي وحسهم ما سمعناهش الخدمة والسكات , حتى للمغرب وقال لعشاء حفر , عبيشة طول خرجت تغسل في راسها وعشينا الناس وكل شي تعدى في الغاية والنهاية

– كونشي انت بين يديه يا مجيدة ما نطمان بحد راني وبالكشي يهز لحيمات في القفة متاعو ماهو نعرفهم الطباخة انا

– كان رافا بيا عزوزة معاه والله نكدس اعماه يقلكشي دورتها رزينة والا توة نمكنلو كمونة بين يديه فمشي ما تحفظ منو حويجة راهي قهرتنا ما تعرفش تطيب يطيب لحمها

– انا كل شي حافر وعاملتلو حسابو الا رويبتي عند دريرية الخياطة يعطيها زرواطة وين نمشي نقيس تقلي غدوة وربي يستر تخلينيشي بلاش ماهي كيف مفهوبة الشيرة هاكي وهاكة البلاوات صغارها ما يخليوها تعمل شي قلها كيف عندك جنون شعلى قلبك تخيط يخيط لحيمتها

– وانت علاش ما تشاورش , يا خسارتك يا دوجة ديما ترفس في لبستك , نهار الي خفيت قصة الشه عليها وميتروها بهاكة الحساب تقوم تعطيها لدريرية يعطيها تنحية انا ملي شواتني على الجيب المشماشي متاعي وانا كرهتها , خلاتلي كل شي مفصل ومحزوق وتقلي ما يجي كان هكة يعطيها فركة وما تلقى علاش تتكا , اسمع كلامي ويجبر عليك ربي عدي بحفاها نهار وتكملهالك قدام عينك وجيب رويبتك

– على كيفو كيف ما تجي تجي هي للنزول ماشية بها ودار العروسة ماهم عوالي يا فوم يعرفوا عليه محسوب , نهار الي مشينا خفينا الطفلة امها خرجتنا بشلاكة شمع مغبرة وروبتها بصقة بلعقة بالزيوتة ويزي عليا وبرة خرجت من غادي على قلبي خبزة منهم وقلت للباشا ايفا مرتك كيف امها الحمد لله هت المنديل يا اتبعنا واتبع مريت خوك مهيرية واختك حبيبة يا نقلك من توة ما تلزمنيش , الحق اوكة جابها قداش من خطرة وتعلمت علينا وديما تقلنا محلاكم ومحلا حياتكم يا امي دوجة ونحب نتعلم عليك كل حاجة وينعم الله عليها بعد كيفاش

– الكلهم يدخلوا هكك يا دوجة وبعد يقولولك هات راسك نفليوهولك وينبتولك الشعر في لسانك يراهم في المهالك ويمشيوا حافيين بلاش شلايك , ايا تعرفشي انا ماشي نفضالك ايام العرس تكمل البياف والدهينة نجيك وتوة نجيب الصواني متاعي مازلت كيف قصدرتهم وناخفشي ملقاط كمونة تنقريشتو سمحة نعملوا بيه كعيبات الزوزة , هافا كان عطاتهولي بعدلي طولك يا نهار لقشة المرايا في يدها وهي تنصل في حواجبها لين رجعتهم كي الخيط يراها تحت حيط

– يباركلك يا مجيدة ولا يقطعك واعمل حسابك اهو قتلك من نهار الفبيحة نحبك بحفايا